បេក្ខជន ៨២៦ នាក់ ប្រឡងចូលរៀនថ្នាក់ឆ្នាំសិក្សាមូលដ្ឋាន និងថ្នាក់បរិញ្ញាបត្ររង
កាលពីថ្ងៃទី ៨ ខែឧសភា ឆ្នាំ ២០១៤ នៅសាកលវិទ្យាល័យ អន្តរជាតិ បេក្ខជនចំនួន ៨២៦ នាក់ បានចូលរួមប្រឡងជ្រើសរើសចូលរៀនថ្នាក់ឆ្នាំសិក្សាមូលដ្ឋាន និងថ្នាក់បរិញ្ញាបត្ររងឆ្នាំទី ១ នៅសាកលវិទ្យាល័យ អន្តរជាតិ និងវិទ្យាស្ថានបូលីណូ។
លោក សុក ណាត់ថា ប្រធានថ្នាក់ឆ្នាំសិក្សាមូលដ្ឋាននៃសាកលវិទ្យាល័យ អន្តរជាតិ បានឲ្យដឹងថា និស្សិតដែលមកប្រឡងចូលរៀនថ្នាក់ឆ្នាំសិក្សាមូលដ្ឋាន និងថ្នាក់បរិញ្ញាបត្ររងឆ្នាំទី ១ នាពេលកន្លងទៅនេះមានចំនួនសរុប ៨២៦ នាក់ ក្នុងនោះនិស្សិតសាកលវិទ្យាល័យ អន្តរជាតិ ចំនួន ៥៩៩ នាក់ និងនិស្សិតមកពីវិទ្យាស្ថានបូលីណូ ចំនួន ២២៧ នាក់។
លោកបានឲ្យដឹងទៀតថា និស្សិតទាំងអស់ធ្វើការប្រឡងលើមុខជំនាញដូចជា វិស័យពេទ្យ រូមមានរោគកុមារ បរិញ្ញាបត្រមន្ទីរពិសោធន៍ បរិញ្ញាបត្ររងមន្ទីរពិសោធន៍ បរិញ្ញាបត្ររងគិលានុបដ្ឋាក បរិញ្ញាបត្ររងឱសថសាស្ត្រ បរិញ្ញាបត្ររងឆ្មប បរិញ្ញាបត្ររងទន្ដសាស្ត្រ ជំនាញភាសាអង់គ្លេស ព័ត៌មានវិទ្យា សំណង់ស៊ីវិល អភិវឌ្ឍន៍ជនបទ និងជំនាញសេដ្ឋកិច្ច។
