សេចក្តីជូនដំណឹង សាកលវិទ្យាល័យ អន្តរជាតិ មានកិត្តិយសសូមជម្រាបជូនដំណឹងដល់លោក-លោកស្រីសាស្រ្តាចារ្យ អតីតនិស្សិត និងដៃគូសហការទាំងអស់ឱ្យបានជ្រាបថា៖ សាកលវិទ្យាល័យ អន្តរជាតិ នឹងរៀបចំវេទិកា វេជ្ជសាស្រ្ត២០២៤ (Medical Forum 2024) ដែលនឹងប្រព្រឹត្តទៅពេញមួយថ្ងៃសៅរ៍ទី២៦ ខែតុលា ឆ្នាំ២០២៤ ខាងមុខនេះ ។ អាស្រ័យដូចនេះ គណៈរៀបចំអង្គវេទិកា ត្រូវការជ្រើសរើសអត្ថបទស្រាវជ្រាវថ្មី ល្អៗ ដែលត្រូវនឹងបច្ចុប្បន្នភាពប្រមាណ១០ ដើម្បីចូលរួមជាវាគ្មិន
សូមអំពាវនាវដល់លោក-លោកស្រីសាស្រ្តាចារ្យ អតីតនិស្សិត និងដៃគូសហការទាំងអស់ ដែលមាន ស្នាដៃស្រាវជ្រាវ ក្នុងវិស័យវេជ្ជសាស្ត្រ មេត្តាចូលរួមចែករំលែក និងផ្សព្វផ្សាយស្នាដៃរបស់ខ្លួននៅក្នុងទិវានៃ វេទិកានេះ ដើម្បីជាទុនក្នុងការអភិវឌ្ឍចំណេះដឹងផ្នែកវេជ្ជសាស្រ្ត ។
លក្ខខណ្ឌ និងដំណាក់កាលក្នុងការចូលរួម៖
• ចាប់ទទួលមូលន័យសង្ខេប (Abstract) ចាប់ពីថ្ងៃជូនដំណឹងនេះតទៅ រហូតដល់ថ្ងៃទី៣១ ខែសីហា ឆ្នាំ២០២៤
• ប្រកាសលទ្ធផលអត្ថបទដែលបានជ្រើសរើស សម្រាប់ការចូលរួមវេទិកា៖ ថ្ងៃទី៧ ខែកញ្ញា ឆ្នាំ២០២៤
• វាគ្មិនប្រគល់អត្ថបទពិស្តារ និង/ឬ បទបង្ហាញ៖ ថ្ងៃទី២៥ ខែកញ្ញា ឆ្នាំ២០២៤
• ចូលរួមធ្វើបទបង្ហាញក្នុងអង្គវេទិកាវេជ្ជសាស្ត្រ២០២៤៖ ថ្ងៃទី២៦ ខែតុលា ឆ្នាំ២០២៤។
ការផ្តល់ឯកសារតាមរយៈ https://t.me/+yEuKtykcoBA0MWNl
